陳果執導電影《那夜凌晨，我坐上了旺角開往大埔的紅VAN》，截至前日上映5日，票房收986萬，《3D豪情》12日收1,240萬，《愛．尋．迷》5日收53萬，《美國隊長2》12日收3,940萬，昨日陳果率演員惠英紅（小紅）、文詠珊（Janice Man）和李璨琛等坐紅van，重踏戲裏的大埔茶餐廳慶祝6日票房逾千萬，適逢陳果昨日55歲牛一，各人大唱生日歌，小紅則吻賀導演。
同場陳果宣佈明日有IIB版給18歲以下觀眾，希望票房有3,000萬拍第二集，問是否谷票房加開IIB版？陳果否認：「冇IIB版對年輕觀眾唔公平，網上都媽媽聲話睇唔到，𠵱家粗口剪到最少，強姦鏡頭換一換，冇法，香港條例係咁，道德防衞太高。一直數緊幾多句粗口，（同電檢處）反面咁滯，戲入面『毒撚』係人名，又唔畀當係粗口，惟有改『毒Lun』，咁先有得拗，一部戲只畀15個字粗口，聽聞《殭屍》都係咁情況。」
網民閙冇得睇
對於有網民批評電影看不明，陳果說：「好似van仔乘客搭車唔使明太多，慢慢搵出結局，唔明唔緊要，睇多次咪明。」小紅表示想拍第二集，願將片酬變做投資。對於獲金像獎最佳女配角時，曾表示上次攞完獎後，香港沒多少人找她拍戲，小紅解釋說：「如果我咁講令人覺得我埋怨，我道歉囉。」
JM叫Baby檢點
此外，JM昨晚與Cara G.等到金鐘出席Chanel J12腕錶活動，提到楊穎（Angelababy）大前晚出席《一代宗師》慶功宴時在室內吸煙，會否覺得影響其女神形象？JM說：「觀眾嘅界定唔多唔少都有影響，公眾人物要做榜樣。」
採訪：溫敏芝、林嘉慈
攝影：陳慧安
