民建聯新界東立法會議員葛珮帆嘅博士學歷，一直被質疑係港澳辦主任王光亞口中嘅「贋品」。繼獨立股評人David Webb發現葛珮帆報稱嘅Greenwich University, Hawaii，校址竟然係校長嘅住宅咁騎呢後，嚟自新東嘅另一女將方國珊亦就此狙擊。
方國珊近日喺facebook貼文，稱呼葛珮帆做「碌葛博士」，諷刺佢用假學歷，又叫「碌葛博士」放過將軍澳居民，應該反對擴建將軍澳堆填區。畢業於美國夏威夷大學嘅哪吒話喎，從來冇聽過夏威夷有Greenwich University囉，真係有眼不識呢位同樣嚟自夏威夷嘅學妹喎。