【本報訊】中文大學有逾200幢樓宇，每層均有逾百個大小門鎖、櫃桶鎖，忽然被反鎖也無有怕，因為有「鎖王」坐鎮。獲長期服務獎的中大物業管理處屋宇設備組一級監工李從㙈，入職25年，在職期間努力進修，現已成為全港首屈一指的開鎖大師。除了門鎖，他開夾萬一樣「拿手」，曾僅以兩分鐘便開啟高保安度夾萬，夾萬更完好無缺可繼續使用。
記者：嚴敏慧
李從㙈為香港鎖業協會榮譽會長兼技術主席，獲國家科技部中國日用五金行業委員會聘任為專家委員。他1989年加入中大，對神秘的鎖有濃厚興趣，翌年加入美國鎖匠協會香港分會學開鎖，06年獲大學資助到美國短期進修，之後在本地及海外教人開鎖，更不斷研發開鎖工具，現擁有三項開鎖工具專利，連某一品牌電腦鎖的萬用匙亦由他研發。
「唔破壞 好有成功感」
「開鎖但唔破壞鎖本身，好有成功感」。現時部門不少同事，已獲李從㙈傳授開鎖技術，開門鎖等小事早已經交由徒弟去做；師傅出馬專做困難項目，年多前他便奉命，開啟副校長辦公室的夾萬，「其實係上手留低，因為要搬辦公室，要睇吓入面有冇嘢」。
該夾萬為高保安夾萬，要將輪盤左扭右扭，全中四組密碼才能開啟，要不爆開萬夾開鎖難度很高。其開鎖秘訣，純粹捉心理，他指夾萬經常使用，用家為免忘記偏向設定簡單數字，甚至使用原廠密碼，試多幾個多數便能打開。
笑言︰開鎖佬好可怕
李從㙈笑言，開鎖佬其實好可怕，能自行開門鎖入門而無人知，甚至不用破壞門鎖，即時用工具銼出鎖匙，「車門鎖望住個鎖窿就整到」。不過，他強調業界有專業守則，鎖匠均須嚴格遵守，不會做違法事宜。
李除了負責鎖業，亦要負責大學機械及鐵器維修保養；公餘興趣則為表演魔術，他是香港魔術家協會會員，更擅長做魔術道具，不少本地著名魔術師的道具均出自他手，「我知道晒佢哋啲秘密」，連日本魔術師亦慕名尋找製造道具。