電影兩位主角，組合Shine的天佑和又南，都是陳果帶入行。天佑猶記得當日遇上導演時，一度以為他是騙徒！他說：「嗰日喺旺角警署出面，突然間陳果走埋嚟，問有冇興趣拍廣告。因為嗰陣時好多呃人騙案，但嗰時諗，我又冇錢都冇嘢俾人呃，如果佢要錢我咪走囉！點知原來係真嘅。」那是飲品廣告，天佑分享casting的趣事：「咁我拍檸檬茶廣告，梗係諗住學生王子加個女仔啦，點知上到去casting，就咁嘅鏡頭影住我，問咗我好多問題。跟住過咗兩日，佢就話個廣告已經拍完嘞，原來就係casting嗰啲嘢。」陳果憶述：「其實個廣告要真，咁佢當時都有少少寸嘅，乜都死撐。佢話演技得吖嘛，做李小龍睇睇！點知佢話，咁有冇劇本吖？跟住我叫佢演周星馳，佢又話唔得，啲戲好渣！總之死拖死撐，佢撐咁耐我就拍佢咁耐。咁就成為咗套片。」
服裝:ANTEPRIMA
天佑一炮成名，原來靠死頂?!明晚十一點,《亂噏24》約定你！