美國總統夫人米歇爾（Michelle Obama）都好鍾意嘅美國時裝品牌J.Crew，即將正式登陸香港，位於中環IFC、以前係麥記嘅店舖𠵱家仲裝修緊，真係要讚呢間時裝店好有「地方智慧」，事關店舖門外嘅裝修圍板唔係普通寫上大字、畫上公仔嘅木板，上面竟然鋪滿中國人最愛得閒打番幾圈嘅麻雀，肉眼粗略點算，全部起碼有2萬隻麻雀，除開超過140副，有啲麻雀上面仲印有牌子名。
J.Crew之前小試牛刀喺連卡佛做shop in shop，早排鎖定香港為亞太區首個落戶城市，計劃5月喺IFC同埋安蘭街連開兩舖。IFC店嘅面積約3,200平方呎，主攻女裝，安蘭街新店主力賣男裝，面積2,100平方呎。