巴塞隆拿喺聯賽形勢咁差都未投降,對住美斯就反而投晒降,皆因佢哋喺傾新合約時出現分歧,美斯要求全球最高嘅2,000萬歐元(約2.1億港元)年薪同埋100%嘅肖像權,會方最後都要屈服,滿足美斯嘅要求,應該喺世盃前動筆簽新約。另外,巴塞輸俾CF格蘭納達之後,一眾球星返去魯營攞車,點知就遇到一班憤怒球迷塞住路口唔畀佢哋走,當中只有助教佐迪路拿同馬斯真蘭奴肯落車平息球迷嘅怨氣。更有傳聞指教練馬天奴已經冇晒威望,下季好有可能被多蒙特主帥高路普取代。