號稱全港最大黨嘅民建聯目前有大約2.5萬會員，但唔知係咪蛇齋餅糭吸引唔到後生仔女，35歲樓下嘅青年民建聯得1,400人左右咋！為咗擺脫黨員「人口老化」，民記今年初定下目標，要喺青年、工商同專業三範疇多吸納1,000個黨員。今年雖然已經過咗四分之一，但三個相關委員會未達標，繼續諗方法跑數，包括搵咗製作公司幫手請靚女外援拍宣傳片，講番專業人士終日營營役役、加入民記後就星期一至七都過得好充實喎。民記仲打算書展出書講「理想」，搵「19黨員」hard sell自身小故事，軟性推銷個黨。