房署對於政黨貼嘅海報限制似乎越嚟越嚴。好似民協咁吖，最近想喺公共屋邨入面嘅議員辦事處，張貼一款有鬍鬚曾嘜頭、寫住「未來基金＝不設（切）實際」（圖），批評預算案守財奴式理財方針嘅海報箒，竟然都被房署以「含有批評個別人士的訊息」為由，唔畀喺屋邨張貼。民協因此好鬼㷫，話佢哋根本冇人身攻擊嘅意圖，唔知點解咁都被會被房署落禁令？
民協噚日開記者會，強調有責任監督政府，有關海報只係作「中肯」描述，尤其唔少報章同評論員都有相同分析，極度質疑房署審核同處理張貼海報內容嘅方針，要求房署公開審視海報嘅標準，拒絕黑箱作業嘅政治審查。