蔡瀚億（BabyJohn）及黃修平分別憑《狂舞派》奪得金像最佳新演員和新晉導演獎，賽後眾人到尖沙嘴慶功，BabyJohn說：「其實我覺得好放鬆、好enjoy，最搞笑係黃修平拎獎時，喊得緊要過我自己攞獎。」顏卓靈玩至凌晨3時離開，昨午她到母校浸會大學出席「狂素派派對」活動。
顏卓靈說：「知道有嘢做，都係叫暖水飲，因為噚晚嗌到喉嚨痛，返到屋企都瞓唔着，亦唔捨得瞓，因為好回味。」越級挑戰章子怡失敗，但顏卓靈依然為《狂舞派》六項提名奪三獎而開心：「冇失望，學黃修平話齋，輸畀章子怡型到爆。」名氣升，片酬隨之而提升？她說：「我又冇攞獎，做乜加價，呢啲由公司決定，我呢個年齡有適合嘅戲已好好。」
採訪、攝影：藍文浩、溫敏芝