前晚香港電影金像獎頒獎禮，台上當然粒粒巨星，但台下嘉賓亦星光熠熠，有人仲發現咗「美國版梁朝偉」。係邊個？咪就係美國駐港總領事夏千福囉！
話說美領館facebook專頁，噚日上載咗一張千福bb出席金像獎頒獎禮嘅相，相中可見成日落區搵嘢食、不時親民同港人打招呼嘅千福bb，突然變身型佬，以黑色西裝襯煲呔盛裝赴會，難怪獲網民like爆。佢仲留言話：「我很享受出席第33屆香港金像獎頒獎禮，難得可以跟演藝界頂級人馬一起慶祝這項盛事。」此外，亦有人讚佢出席頒獎禮，證明佢支持香港電影，就此向佢say thank you。