外界說陳果對上拍的一部長片，已經是十年前的《餃子三更2之一》，其實其間他拍了一部荷李活鬼片《Don't Look Up》，他形容為人生污點，陳果不忿氣的說：「我未試過發誓要拍一部爛片！」原來他當年抱着挑戰心態接了一部荷李活片：「日日去到現場好似死咁滯，拍咗三十組拍晒，本來四十組，但因為冇budget，個個部門要晒嘢之後cut我budget，拍晒梗係一pat屎啦！」陳果直言有想過中途離場，因自己也有少少名氣，但後來計算過仍「有着數」和「輸得起」，便硬着頭皮完成。肥佬黎問有甚麼着數？他笑笑口說：「咪攞一次經驗囉！因為我去到LA都好慘㗎，日日call章小蕙、盧燕姐傾吓偈申訴吓，盧燕姐又教我如果將來要喺度拍，你一定要有晒劇本，掛埋producer你就有話事權。」後來真的有荷李活片商向陳果招手，但他認為不是自己的故事，因而婉拒了，他說：「發覺都係香港好啲，自己地方。」
服裝:ANTEPRIMA