被形容為中港金融合作大突破的「滬港通」，上周正式公佈，可能因為佢有個「小直通車」的外號，大家聽落覺得特別high，有理無理都要搵啲概念股炒咗先。中資券商勁升固然不在話下，就連港資broker、XX國際，甚至連耀才（1428）都炒埋一份。究竟滬港通係咪真係咁好景？
首先，對香港broker來講，滬港通的出現，佢哋係擔心多於驚喜的。須知道過去幾年，香港broker早已經發展出一套北上簽客的方法，經常回內地搞講座、找大水喉。以前內地客要買港股，得幾間中資、而在港有業務的券商可揀，要另外開戶口。但而家內地客只要用返自己買開A股的內地券商就可以了，省卻了將錢搬來搬去的麻煩。另一個問題，內地證券業本來就有「爭爛市」嘅情況，佣金只會不斷鬥平。即使在內地已有不錯網點覆蓋的中資券商，其經紀部阿頭都不諱言稱「有啲頭痛」，因為一下子多咗咁多人來搶港股生意。所以儘管個餅是做大咗、交投會多咗，但係咪真係如外界吹到咁利好呢？券商其實是有保留。
有經紀部門的朋友直言，令他們覺得安慰嘅係，今次開放的「滬港通」，只涉及幾百隻香港股票，大客如想做OTC、買bond以及其他衍生產品，他們仍是有優勢，未來亦會加強在這些方面的發展。
海迪