呢次立法會訪滬大龍鳳，狼英擺明只係大配角，同班建制派差不多，但難得佢都好敬業樂業，明明喺海南出席博鰲亞洲論壇，都要特登轉飛上海會合議員，證明自己唔係一啲戲份都冇。雖然泛民同京官嗰場重頭戲，佢冇份留低，但似乎佢唔多介意，前晚，即係周六晚興致勃勃咁同建制派去消夜，似乎想同大家打成一片。
之不過，唔係所有人都要領情嘅。八方發現，當晚肯同狼英去消夜嘅，幾乎清一色係忠實梁粉，包括民建聯、工聯會、經民聯同部份建制派議員，不單止自由黨個個no show，連新民黨葉劉淑儀同田二少都冇到，認真唔畀面！
話說回來，建制派此行肯做佈景板，無非都係畀面中央，確實又唔使刻意應酬狼英嘅。田少最直接嘞，佢話就算收到狼英邀請都唔會去食消夜囉。