台灣學運總指揮林飛帆早前喺準備退場嘅時候，着上香港「和平佔中」運動嘅T恤（圖），件Tee背後仲印住「真普選」三個字，霎時令唔少人關注，點解身在台灣嘅林飛帆，會越洋擁有一件佔中Tee，莫非佔中出咗團購服務而冇乜香港人知？
身為佔中義工團成員嘅公民黨陳淑莊親自解謎，原來件Tee係Tanya人肉速遞送上嘅見面禮，事關佢早前同徐少驊為咗新一期《中紙》，義務赴台專訪林飛帆，仲送上呢件佔中tee做紀念品，Tanya話林飛帆收到呢份禮物時都喜出望外。如果大家想知多啲林飛帆消息，記住留意22號出版、會喺全港派發嘅第二期《中紙》。