【本報訊】泛民三子憑意志戰勝飢餓絕食16天，如此毅力卻惹來外界質疑他們「偷食」，否則難以支持300多個小時。有照顧絕食三子的護士批評有關指控無稽，強調醫學上有方法令他們捱得住；胡志偉太太昨批評人民力量副主席甄燊港抹黑丈夫偷食，要求對方道歉。
由絕食首天起開始通宵照顧絕食人士的護士羅桂芳，昨向傳媒講解外界指絕食三子期間偷食的指控無稽。她指出，絕食者連日來「拮手指」逾百次驗血糖水平，「一篤手指（驗血）就知有冇偷食」，而每次出席活動及會議後回來絕食現場，絕食者的血糖水平一定偏低。
定時飲水令腸胃適應
羅桂芳解釋，是次絕食期限「破紀錄」，主要因是採用了醫院處理不准進食病人的方法，要求他們定時飲水或葡萄糖水，令腸胃逐漸適應，不致過敏；她又指，以前絕食人士捱不到太久，正是因為直至身體不適才喝水或葡萄糖水，較易肚瀉，加快流失澱粉質。另一秘訣則是絕食者要進入虛空狀態，因為情緒一波動，就會消耗身體的糖份。
對於人力副主席甄燊港早前質疑泛民「越絕越精神」，更指胡志偉絕食期間返家睡覺期間偷食，昨到場力撐丈夫的胡志偉太太反斥：「我一直好支持佢（胡志偉）嘅行動，但最唔開心係俾人抹黑、攻擊……我係佢老婆最有資格講，唔通甄生晚晚喺（我哋）床下底？點解佢冇證據就咁講，佢哋要出嚟道歉！」
曾參與絕食的林祖明也斥「偷食論」涼薄，指若絕食期間偷食仍可瘦掉20磅，他們可改開纖體公司。而三人恢復進食後的第一餐，只可吃白粥；為免腸胃不適，連鹽亦沒有加，李卓人昨已請太太煮愛心粥慰勞絕食人士。