體壇拾趣:帕奎奧復完仇未夠喉

體壇拾趣:
帕奎奧復完仇未夠喉

兩年前爆冷以點數輸咗畀美國拳手巴特利,菲律賓拳王帕奎奧喺上周六終於復仇成功,獲3名裁判一致判點數獲勝,仲攞番失落咗兩年嘅WBO次中量級拳王金腰帶。賽後巴特利大方認輸,仲大讚帕奎奧係史上最偉大嘅拳手之一㖭。而重振聲威嘅帕奎奧贏咗呢場之後雄心壯志,話想同死對頭「墨西哥拳王」馬奎斯進行歷來第5次決鬥,清洗個人職業生涯嘅另一大污點,向對方報番之前喺12年12月對賽時被K.O.嘅一箭之仇喎。