熟識陳果出身的，都知他由劇務做起，然後一步一步爬升為導演，當年他在嘉禾的時候，亦跟蔡瀾共事。他說：「早前講書法、畫、美術嗰方面，後尾離開嘉禾就開始講食。老老實實，都因為你嘅介紹，我哋去過唔少地方。」肥佬黎認真問：「有啲都撞板嘅？」陳果笑說：「我哋都會問，會唔會做媒得滯呢？不過我服咗佢，啲細舖頭都搵到，梗係有啲密探喺度。」蔡瀾否認密探之說，並指出由《壹週刊》創刊至今，每星期都要批評一間食肆，因此每見到新食肆開張，都會光顧一下，如同發掘電影新人。
陳果早前帶劇組參加柏林電影節，也有「中伏」經驗。話說他到訪一家兩星餐廳，水準差得離譜，他說：「我覺得一星都冇，零點五星都冇。」蔡瀾認為這是德國人對飲食文化不太講究有關。肥佬黎憶起當年做工廠，曾到德國住了一個多月，他說：「我晚晚喺個老闆屋企食飯，晚晚攞條腸出嚟，晚晚攞啲凍麪包出嚟，唯一熱嘅係紅酒。從此，我諗起德國已經打冷震！」
服裝：ANTEPRIMA
米芝蓮都呃人?!星期四晚十一點,《亂噏24》約定你！