今晚甄子丹主演嘅電影《3D冰封俠：重生之門》今晚喺銅鑼灣舉行首映禮，傅嘉莉、雨僑、Jeana等人都有著靚靚到場，但最吸引都係，周秀娜同舊愛Avis陳偉成，竟然冤家路窄都有到場。當時，Avis仲係拖住佢位新歡Yumi尹蓁晞。
其實今晚娜姐同Avis已經係前後腳到場，總算係「避過一劫」，事後Avis話見唔到娜姐，就算見到都唔會尷尬:「因為呢個係工作場合，工作需要。」但係你拖住女朋友嚟喎!Avis就話:「再見亦是朋友，但我之前都唔知佢會嚟。」驚唔驚女友Yumi唔開心？佢就篤定咁話:「佢唔會唔開心。我轉咗新公司，總之依家工作為上。」