【本報訊】三名內地「老千商人」戴麟懿（56歲）、李善容（49歲）及連春仁（50歲）被裁定三項管有虛假文書全部罪成。記者去年曾到三人的報稱地址追查背景，揭開一堆又一堆謊話。
報稱東莞商人的李善容，是東莞塘廈林村北2村人。記者向村治隊長、村民及鄰居打聽，各人的反應是：「你哋來追債㗎？佢（李）欠你幾多錢呀？」前兩年李善容因涉及債務糾紛，東莞法院派人來村捉人，李聞訊而逃。
親戚：佢至叻係賣豬肉
在村內經營餐廳的李善容堂哥說：「我喺互聯網上睇到新聞啦，知佢衰咗啦。佢至叻係賣豬肉箒嘛！」善容是家中孻仔，有四個家姐，大姐嫁給港人早年移居香港。
善容高中畢業後在家鄉耕田，由堂哥帶他賣豬肉起家，「佢數口都幾好，嗰時生意都搵到啲錢」。三年後，二人合資買貨車做運沙生意；三年前，他轉行做地產經紀，但轉眼間他債台高築，所有資產賣掉。其妻則因他包二奶而搬走，更說「我哋當佢死咗」。
自稱前公安，來自北京、辦民間大學的連春仁，報住的深圳春風路凱悅豪庭住址，去年5月起拖欠管理費。地產經紀透露，連春仁三年前以月租3,500元租住，自稱做教育生意，被捕前有兩名男子經常到來，似在商討甚麼大買賣。至於其在北京豐台區的住所，有記者找到其女兒，她稱甚少與父親聯絡，記者到訪才得知父親被捕，案件審訊期間，她專程來港。
第一被告戴麟懿報稱在海豐縣海城鎮參將里的住址，記者發現早在十年前已拆掉建校；而他申報的深圳福田地址，亦沒有一個叫戴麟懿的人。