【壹週刊】譚小環轉行賣魚蛋嘅新聞出街後，獲得大批街坊同網民支持！今日（4月10日）我哋嚟到位於渣甸街嘅舖頭，果然係大排長龍！
譚小環老公蔡強榮同我哋《壹》仔話，報道出街後，多咗好多新客仔幫襯，仲話全靠外母呢個幕後功臣，做食品監控。而主角小環就話報道出街後，街坊嘅反應令佢喜出望外，「好感動，有好多市民叫我加油，連路過嘅街坊都叫我加油，呢啲我從前從未感受到，係我嘅動力，要做得更好！」
《壹》仔直擊完，見有啲餓，都幫襯咗，滑滑腸粉就一早買完，最後外買咗魚蛋燒賣碗仔翅，最驚喜係碗魚肉碗仔翅，非常足料，魚肉食得出冇溝過粉。大家行開銅鑼灣，不妨支持下！
iPhone App免費下載：
http://bit.ly/nextplus_iphone
Android App免費下載：
http://bit.ly/nextplus_android