劉碧麗不是新人，她是名模Mandy Lieu。
行內人稱，Mandy挑剔，眼角高，不喜歡的不做，不想做的不做。可以想像，她不爛做，而且不會隨便做，她偏偏答應演出陶傑首次執導的情慾戲《愛．尋．迷》，谷胸內衣SM大戰6呎竹升仔，這是Mandy慷慨解囊的一次，她說：「係呀！內衣騷未行過，泳衣騷都未行過，我份人就係咁，我相信嗰樣嘢，同埋我鍾意做嗰樣嘢，我就會去做，係我一個好大突破，大膽演出，同埋咁重戲份，算係女主角，我相信呢個故事，如果個end result係同陶傑講嘅一樣，呢一套係好厲害，好好睇嘅戲。」
不負才子之名
一眾演員慕名去接拍陶傑這齣戲，Mandy強調自己是例外，鬼妹仔用輕薄而純正的廣東話說：「我唔係好認識呢個人，我冇睇過佢啲文章，周邊好多人好認識呢個名，有好多唔同feedback對呢個人，咁我都係一個open mind嘅人，都想睇吓有乜嘢新嘗試，如果啱咪一齊做囉！我記得第一次見到佢，佢一嚟就講咗三個幾鐘，好detail將個古仔講畀我知，嘩！咁我就明點解佢叫才子！」