頭先就話宥聲稱係周星馳開新片，搵女角，仲喺網上開po，叫人去某酒店某房間面試，就咁聽「伏」味好濃。強國無其不有，A貨呃人特多，好似長期喺內哋搵人仔嘅陳鍵鋒，佢喺內地嘅社交網站都好活躍，而且仲有好多fans添，但勢估唔到竟然有人大膽到冒佢個名開QQ，呃女fans，仲有人中招添！
事緣有一個人自稱係陳鍵鋒嘅徒弟，用QQ開咗一個群組，同一班fans傾計，而喺呢一個群組入面，有人聲稱自己係陳鍵鋒，仲用埋佢個中英文名及頭像，同fans對話談心。有人質疑佢係真係假，呢個冒牌貨就話:「這個QQ以前是私人的，現在我只是改了資料。」又指就連經理人都唔知佢有呢個QQ。
為免有人受騙發，今日陳鍵鋒就喺微博話：「公告:和本尊互動的方法只有新浪微博，秒拍，微視，很久沒用的有圖釘，臉書，twitter！甚麼QQ我沒有……本人的，公用的都沒有...敬請注意！」類似嘅情況真係經常都會發生，一班fans真係要小心啲喇。
