【請廣傳】，係蘇施黃自己講嘅！
蘇施黃前日喺禮頓道Crowne Plaza有「奇怪」遭遇，咁當然係不快事件，結果佢唔止喺電台節目大肆撻伐，更於fb專頁上圖文並茂，寫住【請廣傳】。
蘇施黃喺fb專頁寫嘅po，內容係一張單據，並寫道:「【請廣傳】 cheap精香港禮頓道Crown Hotel(Crowne Plaza)!!!」
「事情發生在2014年4月10日。和家人打完邊爐，我提議去飲杯嘢一行6人去了銅鑼灣禮頓道的Crown Hotel(Crowne Plaza) (留意單右上Gst 6，即6位)。我和姐姐和另一朋友叫English tea，我話要濃一點，要兩個茶包。兩分鐘後蠢侍應xx就對我話:「要兩個茶包都收兩杯的錢...經理都係咁話。」我答你敢收就得嘞！
「看單！你們真的敢收了6杯English tea 共$330！我唔廣傳Crown Hotel(Crowne Plaza) 的cheap精惡行真對唔住自己。茶包一個值幾多錢呢，三個茶包就立即可以損害你的聲譽。」
但網民就唔係咁睇，佢哋嘅留言有：
「人哋都講到明加多個茶包係收多杯錢，你都仲落order，就係你問題啦！」
「去飲野唔睇MENU，埋單先話佢收得貴。不如你自己帶盒茶葉/茶包，叫佢俾杯熱水啦。再唔係你去7-11買三罐雀檸囉。」
「半島奶茶都好似收過我125，$55一杯咪算平！」
「如果English Tea 係一包茶包收一位價錢，試問若果我一個人去飲English Tea，但我也嫌啲茶唔夠濃，我要夠6包才滿意，但又不停叫侍應加水。請問我是否真的只給一位錢？真的合理嗎？」
「唉…這就是香港投訴文化!」
「酒店嘅English tea 是用set計，唔係茶包計，英式紅茶係英式茶包兩個浸壺，奶、糖，額外茶包另上，再加濾茶渣工具。所以係不存在茶包幾多個的問題。」
「我係waiter我一定要聽boss講，你係特首、係國家主席都會收錢。High個English tea都知重點係紅茶，奶係配角，你覺得茶葉唔值錢係你問題。」
本報曾致電Crowne Plaza查詢，但至截稿都未回應。