趙薇愛女4歲牛一 貼可愛托腮look

趙薇愛女4歲牛一 貼可愛托腮look

想知道時間過,其實好簡單,望住小朋友長大,話咁快又大一歲喇,自然就會知道,你也老了一歲,累積了更多人生智慧,同時亦溫馨提提你,年紀不輕了,要好好愛惜自己身體喇。

話咁快就四歲喇,你話時間過得幾快!

趙薇喺個po度貼埋開工照,唔知係咪角色需要定係太累,一臉疲態。

今日係4月11日,趙薇今日於微博貼上三張圖,寫道:「又是一年人間最美四月天,在片場忙碌到精疲力竭,抱歉,又一次錯過你的生日!happy birthday !健康快樂與人為善過好每一天!love you!」三張圖分別係趙薇開緊工嘅相,囡囡小四月喺生日蛋糕前托腮嘅相,以及兩母女合照。係喎,今日,係小四月牛一呀。不過媽媽忙緊拍陳可辛新片《親愛的小孩》,唔可以陪女兒慶祝喇。

趙薇拍戲新look…村姑look。

有網民話家姐喺香港撞到趙薇同個女shopping。

之前有網民影到趙薇兩母女一齊來港,小四月仲開開心心食雪糕,睇嚟係趙薇想喺開工前抽多啲時間陪愛女,兼且買生日禮物。

一家三口周圍飛

小四月細細個已經登長城做好漢。

上次丁丁應采兒都有於微博寫道,話因為要天天開工,錯過咗囝囝Jasper第一次企起身嘅珍貴時刻。(相關新聞: http://bit.ly/1gS0mxz )小朋友好快大,珍惜每一刻!