張學友、任達華、莫文蔚、何超瓊、黃秋生、楊千嬅與老公丁子高等，昨晚在清水灣舊邵氏片場出席成龍生日會，補祝他60歲大壽，張學友笑說：「我唔知嚟做乜，志偉話要唱就唱，亦唔知送乜好，成龍有私人飛機又有樓。」問任達華送甚麼禮物？他笑說：「大哥（成龍）話帶心嚟就得。」成龍於傍晚6點半駕車到場，後座有一女子垂低頭十分避忌，他說：「今日係曾志偉安排，自己啱啱落機鬚都未剃。」問老婆林鳳嬌和兒子房祖名送甚麼禮物？他說：「冇啦，兩個都唔會嚟，阿嬌仲喺上海招呼台灣團朋友。」成龍謂今日飛北京開戲，問為甚麼不嘆多幾日？他說：「自己諗唔到已經60歲，希望嚟緊好踏實享受人生。」曾志偉說：「阿倫都會嚟，佢會唱歌。」
採訪：文國駿、馬建華
攝影：陳順禎、陳俊強