李思欣下月底約滿無綫，早前已表示不續約向外闖，撞正香港電視開台無期，老公范振鋒遂打本鼓勵她學做生意，兩公婆這幾年分散投資，生意種類多，計有賣鑽石、火鍋店、日本餐廳和賣電腦零件，據知思欣和老公阿范最近又以六位數字入股搞保齡球場。
記者昨日致電思欣求證，她說：「係呀，火鍋店生意幾好，我哋咪諗住試吓搞第二啲嘢，最近入股荃灣麗城嘅保齡球場，場中有埋食店同按摩，我日前同啲股東開會，仲提出搞啲『一條龍套餐』，等啲客人碌完齡就去按腳，跟住食嘢，場中仲會設啲傳統港式小食，拮吓魚蛋同食雞蛋仔。」思欣熱愛打保齡，她說：「得閒我仲會落場打埋一份。」
採訪：比華利
場地：嵐喬