因為港視開台觸礁，令到不少藝人前路茫茫，淪為失業大軍，與港視約滿、回復自由身的艾威，經歷過後，幸好工作方面終於露曙光，他稍後將會開拍兩部電影，分別與吳京和周柏豪等人合作， 此外艾威更在網上電台D100開咪做節目，昨日他在電話中說：「其實已經主持咗一集，呢兩、三個月嘅主題係圍繞HKTV，大家對佢哋嘅了解唔係咁深，所以想畀多啲聽眾去了解。」他還笑說：「本來我最初改個節目名叫《死剩把口》，但係大班（鄭經翰）覺得死死聲唔好聽，又未死得晒，所以不如叫《得番把口》喇！」
提到好友梁家樹將為寰亞公司電視製作部任揸弗人，問到艾威會否合作？他說：「我知道呢件事，其實只要劇本、檔期同條件啱，我唔介意同任何人合作，我相信所有演員都一樣。我𠵱家暫時都OK，仲有少少火種喺度燒緊，希望唔好咁快熄，死灰復燃更加好！」
張松枝睇多一個月
張松枝跟港視還有兩個月合約，他昨表示要看港視前景才作進一步打算，他昨在電話中說：「睇吓港視仲需唔需要我，我覺得佢仲有機會。」不過張松枝手頭正有兩部片約，分別是下月開拍蕭定一投資、改編自網絡小說《壹獄壹世界》的黑色喜劇《高登闊少踎監日記》，他會扮監躉。最近張松枝又接拍了本月中開拍由導演賀峰執導的電影《尋愛事務所》，該片還會有李思欣和田啟文，他說：「部戲我幫吓手，戲份唔算多。」張松枝不擔心前路茫茫，他說：「我會睇多一個月先作出計劃，點都撐王維基。」
採訪：何慧斯、比華利