美國駐港總領事夏千福學咗Eason周圍去。由於「2014年我的美國夢比賽」，5月3日截止報名，千福BB都粉墨登場拍短片，身穿一件紅色polo恤，出現喺唔同電腦加工嘅美國景點下，呼籲港人參賽，利誘大家話呀，得獎者可以同上屆比賽一樣，獲邀免費到美國旅遊。
介紹美國各州食物
喺香港鍾意周圍搵食嘅佢，覺得大家可以去美國唔同州份食好嘢，特別推介鄉下維珍尼亞BBQ，或者去德州試下特色燒烤。
若然唔愛燒烤，亦可以到新奧爾良品嚐法式甜圈，或到新墨西哥州食青辣椒，總之總有一款食物啱胃口，有興趣人士可到以下網址瀏覽： http://ow.ly/vDhUw