立法會開始辯論財政預算案，人民力量及社民連等泛民政黨，合共提出近2,000項修訂「拉布」。有政府中人笑言，現時政治局勢較去年更差、政府更弱勢，不只沒本錢與拉布議員「硬碰硬」，就算是爭取支持，建制派議員也「唔畀面」。
季陶聽聞財政司司長曾俊華及其下屬評估今年審議預算案形勢，左看右看也看不到可以阻止拉布，要高調「砌」拉布議員更不可行，反正政府相信拉布議員也不敢真的「拖冧」預算案，所以只「懇求」議員顧全大局，不要拉布至政府停擺，低調處理拉布。
有官場中人稱明白鬍鬚曾難做，因現時政治局勢較去年更差。除了政府民意支持度低處未算低外，「喺特首『英明』領導下，政府喺立法會嘅牙齒印仲多過舊年」，除辣㷫自由黨，其他建制派亦未必再肯赤膊上陣，為政府出手「砌」拉布議員，「所以曾俊華真係冇乜嘢可以做，只可以等曾鈺成高抬貴手剪布」。
認同預算案亦投棄權票
除了對議員拉布無能為力，鬍鬚曾尋求議員支持預算案一樣困難重重。據聞有泛民直言認同預算案措施，但卻說：「你知𠵱家梁振英民望幾低，我哋冇可能投支持票畀你，最多都係棄權。」建制議員一樣「唔畀面」，據聞有建制派政團原本說會支持，怎知一轉頭就以「街坊唔滿意政府只係幫公屋交一個月租」，表明不「加碼」就難以支持！
季陶