南華（紅衫）出線亞協盃16強未絕望！身處G組嘅南華，上仗作客被越南嘅寧平凱撒水泥（橙褲）逼和1:1後，5戰僅得4分，本來肯定緣盡亞協盃。不過越南傳媒噚日報道，話以5戰13分篤定小組首名出線嘅寧平涉打假波，球會主席極可能今日宣佈退出當地聯賽同亞協盃。換言之，南華只要今個月22號喺主場上演嘅最後一場分組賽擊敗吉蘭丹，仲有機會以次名晉身16強。