36歲嘅前港姐冠軍楊思琦，早幾年未婚產女，結果由「慳妹」變「大話妹」，形象插水，一度遭無綫雪藏。及後公司覺得佢單親媽咪形象唔夠健康，工作量大減。
屋漏兼逢連夜雨，前日有報道話，今年7月約滿嘅思琦妹，有傳被要求由原來嘅「親生女」、月薪三萬嘅經理人合約，改簽普通藝員約，兼且人工遭大幅削減超過3成，由3萬減到得番2萬，要供樓、養囡又要照顧頭家，每月基本開支12萬，令思琦妹相當頭痕。
雖然公司仍然有搵佢拍劇，不過思琦妹喺新劇要飾演鍾嘉欣個細媽，之但係從真實年齡同外表，佢哋只不過係相差六年。o依家思琦要獨力湊女，又要經常性感打扮，去內地登台賺快錢，真係冇陰功。記者搵佢問回應時，佢就無答。
不過昨午思琦妹喺微博貼相，同佢個「囡囡」嘉欣BB講聲生日快樂，仲貼晒生日派對相出嚟，唔少花旦都有出席，思琦妹寫道：「Happy birthday to my dearest Linda babe,may ur dream do come true,really enjoy the happy moment with all of u ,love ya!also have a nice talk with Myolie（胡杏兒）,thx for ur support.」 可能思琦妹都係想話俾人知，佢0依家好開心啫﹗
另外，壽星女嘉欣BB除咗有大班姊妹陪伴慶生外，佢嘅緋聞男友伍允龍，亦以「男主人」身份，孖住老友安志杰現身恭賀。
嘉欣BB喺微博貼咗多張大合照，當中梗係唔少得伍允龍啦﹗嘉欣BB寫道：「收到大家對我的生日祝福！ 謝謝你們！ 我覺得很幸福很快樂！ I'm year older, hope that means I'll be one year wiser」