國務院總理李克強噚日喺博鰲論壇上，宣佈香港同上海兩地股票市場互聯互通後，平日唔多主動答傳媒問題嘅財爺鬍鬚曾，喺立法會聽緊議員就預算案發言期間，都罕有自動走向咪兜，話感謝中央有此決定，指香港證監會稍後會有正式公佈，向大家講解計劃嘅細節。
但記者明顯被佢呢個突如其來嘅公佈殺個措手不及，只問番佢點睇有關政府將會減辣嘅報道，搞到鬍鬚曾好無癮，反問記者「你哋對呢個冇興趣？呢個大件事嚟㗎喎」，現場記者對佢呢個hard sell似乎唔多領情，全程重點追問有關減辣嘅消息。可能搵唔到識貨知音人，鬍鬚曾hea答一輪就走人。