如果你只係睇咗2,875萬拍價畫作《山色蒼茫釀雪天》失蹤嘅新聞，先識強國畫家崔如琢（圖），咁你就可能「有眼不識泰山」。因為，佢好可能、或者係作品拍賣價將超過畢加索、莫內嘅中國畫家！不過，信不信由你，因為係佢自己話嘅。
崔如琢4月初嚟咗香港時，接受《蘋果》訪問，作為現代中國畫家，崔大師話好多現代中國畫「水準太低，修養太差」，至於近年在國際畫壇大受注目嘅內地畫家曾梵志，佢就認為只係「西方人的炒作」。
佢話自己嘅作品承自傳統、超越傳統，話自己嘅作品價值會越來越貴，將會在五至十年內，超越所有西方畫家畢加索、莫內……（下刪一百字）。藝術嘅嘢，八方唔敢評論，崔如琢嘅身價，會唔會好似佢自己預言咁升，不如等時間做證吧。