和平佔中義工隊嘅成員，呢排幾乎日日擺街站，宣傳5月嘅商討日三，以及6月22日嘅全民公投。身為隊員嘅公民黨陳淑莊Tanya亦好瞓身，拍得住參選時咁樣，天濛光就出動，同其他義工一齊搞早站宣傳。
噚日佢哋一行人去到美孚地鐵站A出口擺街站之際，突然見到眼前有個好熟悉嘅身影，原來眼前人就係吳美蘭老師。Tanya即時當場祝賀吳老師成為教協監事，吳老師都有「回禮」，就係攞咗部份「中紙」、即係佔中報紙，話會幫手派畀身邊嘅人宣傳吓，又叫義工繼續努力。Tanya聽完好感動，大聲答話「收到」，承諾繼續努力喺街頭播民主嘅種子！