來自香港前宗主國嘅港大新校長馬斐森剛上任，隨即展開親善內交行動，最近帶埋醫生老婆同校內同事食飯打關係。效果如何？要放長雙眼睇，暫時來講就相當掂。起碼性學權威嘅港大社會工作及社會行政學系副教授何式凝就好受落，大讚馬斐森親民。
何教授喺fb圖文並茂回憶同新校長嘅初次邂逅：「二十年來，第一次和校長這樣親近！Peter（馬斐森名字）令人完全沒有壓力，如果他有甚麼架子，我這種人，一定feel到。這種飯局，竟然令人不覺得是應酬，算是奇蹟。」愛屋及烏，何教授仲好like校長夫人Christina，話佢靚女兼平易近人喎。