吳彥祖、張家輝和思漩演出、林超賢執導的電影《魔警》，昨晚於九龍灣舉行首映禮，問家人有否捧場？吳彥祖指太太在美國，家輝自爆被囡囡嫌棄，他說：「囡囡話22歲先睇我嘅戲，之前《激戰》想叫囡囡睇，又冇色情冇黑社會冇人妖，好啱囡囡睇，但佢都話大個啲先睇。」
在《魔警》中兩人對手戲不多，坦言想再合作，吳彥祖笑說：「可以拍動作搞笑片，好似《咖喱辣椒》，我搵投資叫家輝搵故事。」但家輝嘆謂好的編劇難搵，有提議兩人合拍美魔男，搵羅霖做美魔女，家輝聞言即嚇呆擘大口，笑說：「應該搵眾數。」記者笑謂搵埋老婆關詠荷，他笑說：「老婆對得太耐，但梗係搵佢，搵第二個想我收檔咩。」
採訪：張俊銘
攝影：陳俊強