早前有報道指中央撐特首梁振英連任，引來不少政圈中人熱議，並猜測背後動機，估計有人想藉此向盛傳有意參選下屆特首人士、如前財爺梁錦松等「示威」。有知情人士稱，雖然距下屆特首選舉還有3年，但各方勢力已開始物色下屆特首人選，據知一班地產界「大孖沙」正四出尋找「啱心水」人士出戰2017特首選舉。
地產商唔妥林鄭
據知在2012年唐、梁特首大戰中、支持唐唐的主流地產界「大孖沙」，有意在下屆特首選舉中，另找「自己友」出戰，但對盛傳獲唐唐部份友好支持的梁錦松，卻無多大興趣。另一江湖盛傳可以出戰的特首人選、政務司司長林鄭月娥，據知有「大孖沙」對她觀感十分負面，「如果話佢哋係對梁錦松只係冇興趣、咁對林鄭直情係唔妥！」所以地產商撐林鄭選特首機會極微。
另有政界人士笑言，地產界「大孖沙」要找人挑戰梁振英，現時十分困難，事關在唐、梁特首大戰一役後，不論有心還是無心人，對表態選特首十分謹慎，「睇見唐英年咁收場，有心人梗係死都唔表態住，以免畀人有時間搵黑材料；冇心人更加極力否認，何必無端惹禍上身？」據悉年前政商界突流傳有關金管局總裁陳德霖的「黑材料」，事後傳出因某陣營想找陳出戰下屆特首、所以有人要「先下手為強」，「整唔死佢都可以嚇吓佢唔好出」。
季陶