香港站電能車方程式（Formula E）死而復生？舊年想促成香港辦Formula E嘅香港汽車會會長余錦基，噚日出席歐陽若曦（Darryl、圖）加盟Aston Martin車隊兼出戰世界耐力錦標賽嘅發佈會時，爆料話今年內會定到香港明年11月搞唔搞得成2015年Formula E香港站，「上星期Formula E嘅賽道工程師到咗香港，順便睇咗位於中區嘅賽道，佢哋好滿意。同之前構思嘅賽道比較，我哋刪走咗包括龍和道嘅一段隧道，但都保留全長2.4公里。」Darryl都話對Formula E好有興趣，但今年會集中玩好8站耐力賽先，首站今個月20日喺英國舉行。