《3D豪情》忽然錫身袁嘉敏被爆反口拒全裸

《3D豪情》忽然錫身
袁嘉敏被爆反口拒全裸

杜汶澤、曾國祥、袁嘉敏(Candy)及導演李公樂等,前晚在中環出席《3D豪情》慶功宴,電影上映五日,票房逾700萬。戲中飾演阿澤女友的袁嘉敏,即場發功自薦要拍第三集,更揚言只要片酬達標,就算全裸演出亦在所不惜。不過據聞她當初接《3D豪情》時,答應可以去盡拍裸露戲,但到場就反口,變得「惜肉如金」,令監製陳慶嘉及阿澤都極之不滿,考慮將她飛出第三集。

袁嘉敏着比堅尼展露豐滿身材,揚言只要片酬達標願意全裸演出。
資料圖片

袁嘉敏於《3D豪情》中,最大膽尺度僅是穿內衣出鏡。
《FACE》圖片

杜汶澤最愛的蒼井空拒絕演出《豪情》第三集。
資料圖片

視乎片酬除衫

陳慶嘉昨接受電話訪問時說:「佢拍之前講過可以全裸,不過因為之後簽咗太陽娛樂,佢經理人黃柏高亦搵過我,講過唔想佢有大膽演出,所以我哋拍之前已知,今次佢都好落力做宣傳,第三集如無意外會預佢演。」
Candy戲中僅以內衣上陣,她解釋說:「今次太多人露,唔使我啦,下次先露多啲。」可否大解放全裸?她說:「OK,但都唔想俾人定位,唔係話三級就一定要露,只要劇本好就得,《豪情》第三集都傾緊要唔要全裸,我都係睇片酬啦,都要放膽試吓。」
《豪情》第三集預計在10月開拍,阿澤說:「我想喺facebook搞個真普選,叫網民like邊個AV女優做女主角。」而普選暫時是葵司以200多票領先,但阿澤最想請蒼井空參與演出,想她演回真實的自己,但對方經理人回覆說:「要蒼井空演任何角色都可以,就是不想演回她自己。」
採訪:藍文浩

阿澤、袁嘉敏等在慶功宴上如此肉緊兼愕然,其實是跌了一件魚生。
攝影:黃偉雄