白鴿黨創黨主席李柱銘同前政務司司長陳方安生應邀去美國講吓香港實情，左派就抹黑為「告洋狀」，咁狼班子贊助美國國會人員訪港，係咪勾結外國勢力先？
原來港府駐華盛頓經貿辦藉「香港教育及文化交流計劃」之名，主動邀請國會來港訪問，訪問團成員包括來自民主、共和兩黨眾議員嘅幕僚長、副幕僚長或立法事務主任等，雖然表面上只涉財經、醫療、勞工、教育等民生範疇，但嚟到又點會唔傾政治？加上訪問團本月21至26日來港期間，仲會同立法會議員會晤，都唔排除席間講埋香港選舉。八方好想知道，狼班子出錢請美國國會成員來港，左報會點樣報道呢？