【記者直擊】
粉嶺瓏山1號位於聯興街，亦即街坊口中的「海聯（廣場）」附近，偏離粉嶺港鐵站，要駁程小巴，若徒步而行逾廿分鐘。走進舊區，街坊聞瓏山1號開價後大嘆：「貴得好緊要」、「豪宅價」。
樓盤前方是被評為三級歷史建築物的聖約瑟堂教堂，毗鄰臨時停車場尚有一年租約，分區大綱區顯示，土地屬政府、機構或社區（GIC）用途，料未來數年景觀暫不受影響。
與瓏山1號一街之隔的海聯廣場純粹街坊商場，除大家樂、麥記，已難尋更多連鎖店，反而蹓躂到周邊舊樓群，有數以百計的小店、食肆，全平民化價錢路線，生活配套充足。附近還有球場和公園，街坊都稱社區居住環境舒適，唯一問題是交通不便。此段乃入沙頭角必經之路，他日新界東北馬屎埔發展成住宅區後，區內配套料成重大負荷。
粉嶺居民鄭小姐指，該處位置隔涉，前往粉嶺站均需乘坐一程小巴，對於瓏山1號的價格，她直言：「貴得好緊要囉！」另一街坊趙小姐指：「呢個係豪宅價……如果吸引換樓客，可能只會吸引內地客，因為呢度近羅湖。」
【粉嶺居民心聲】
負擔不起
鄭小姐表示：「冇乜幾多人負擔得起，最平都600幾萬喎。」
屬豪宅價
趙小姐指：「呢個價喺呢區係豪宅價，如果想吸引同區街坊客換樓，我諗未必可以。」
