一班地產商舊年用音樂節抗衡7.1遊行，愛國富二代今年重施故技搞「香港青年音樂節」；雖然佢哋個官網瞬間摺咗，但八方搵到幫手招商嘅網站，發現爆笑度十足，事關佢哋自稱音樂節陣容鼎盛，政界嘉賓有林鄭、狼英、中聯辦主任張曉明同埋董建華；演藝界仲犀利，王家衛、李雲迪、謝安琪榜上有名外，連熱到核爆嘅都敏俊教授都「可能出席」。
八方真係冇本事問都教授係咪會來港會粉絲嘞，但都問咗特首辦同政務司司長辦公室，發言人異口同聲話狼英、林鄭唔會去喎。點解咁唔領情呢？八方唔知嘞，只知道呢啲維穩騷，一向吃力不討好，搞得多都係盞嘥錢。