中原集團創辦人施永青噚日出席香港總商會舉辦嘅午餐會，評論近期香港樓市，今年初新任會德豐（020）主席嘅吳宗權都有出席，不過呢位太子爺非常低調，混喺一眾商界與會代表之中，傳媒上前影相，佢亦左閃右避，迫不得已先大方望向鏡頭。吳宗權雖然冇抄筆記亦冇參與答問環節，但全程專心聆聽，起碼冇得閒就拎部手機出嚟睇。
施永青就一貫咁鬧政府出招唔多正確，佢認為，樓市辣招屬於臨時性措施，即係「偏方」，推出後樓市都冇咁快下跌，本港樓市又冇泡沫，政府應該先修訂辣招，而非暫緩「港人港地」。如果政府要協助市民置業，就更加要將港人港地嘅規格變成「港人首置用地」。如果政府認為樓價已經回落，就應該撤回部份辣招。至於樓價，他認為豪宅跌幅勁過中小型住宅。唔知吳宗權聽完施老闆所講，學唔學到嘢呢？