【孤軍作戰】
不論是在審議撥款時舌戰建制派，還是連日靜坐抗議，全程陪着許智峯的只有該黨區議會增選委員吳兆康，其他三位黨友甘乃威、鄭麗琼及黃堅成不是在許與建制派理論時「唔出聲」，就是在許被抬走時突「失蹤」，民主黨新一代「行出嚟」，與舊世代「坐低傾」的鴻溝顯而易見。
資深黨友盼坐低傾
包括許智峯在內的民主黨各區區議員昨到民政事務總署抗議，不滿用作宣傳政改的區議會撥款，淪為供建制派豪飲豪食，並促署方就抬人事件道歉。鄭麗琼與黃堅成今次亦有參與抗議行動，甘乃威未有現身。
面對黨友未見積極同一陣線抗爭，許早前受訪時不諱言有「少少孤軍作戰感覺」，指不少資深區議員如鄭、黃二人，「覺得我今次再激都好，都改變唔到乜嘢」。年僅32歲的他稱理解資深議員對抗爭手法有不同想法，「呢個係唔同世代，唔同嘅做法」，表明不會對此抱怨，「底線係佢哋（黨友）都冇阻止我，因為知道阻都阻我唔到……我呢啲後生仔，覺得使乜畀面你建制派？」
黃堅成則稱，認同許智峯要求公開撥款過程的目標，但認為與建制派議員及民政專員「坐低傾」更理想。
《蘋果》記者