【本報訊】民主黨中西區區議員許智峯為抗議區議會黑箱撥款，由議會內遭警察抬走、到在區議會秘書處靜坐，甚至遭保安驅趕弄傷，依然要和政府與建制派鬥爭到底。他自稱「斯文嘅激進派」，強調「和理非非」也可抗爭，日後會續遵民主黨已故黨鞭司徒華遺訓「擇善固執」，撕破建制派醜陋相。
記者：林俊謙
許智峯自己也想不到，反對一筆25萬元的《基本法》及政改宣傳黑箱撥款會令他「一抬而紅」，傳媒、網民覺得這名出身「和理非非」民主黨的區議員「好激」，許仍自覺「和理非非」，但「和理非非」也可以抗爭、溫和也可以有行動，可以做一個「斯文嘅激進派」。
「呢次行動仲係民主黨可接受範圍內，因為冇掟嘢、冇講粗口，係一條溫和嘅激進路線。」他反問記者：「激進」是否只可以有社民連和人民力量模式、不可以有民主黨模式？「香港係咪應該有斯文啲激進派？我相信有市場，有市民覺得要唔講粗口，要中產斯文同時，又唔可以太弱雞。」
走上「斯文嘅激進派」這條路，全因許智峯再難忍受區議會淪為建制派小王國，特別是目睹建制派坐地分肥，經常「錢落晒自己袋」，透過衞星組織申請撥款、赤裸裸利益輸送，「我自己頂唔住氣，覺得冇可能再做投降派。記得當初選區議會，除咗想服務社區，仲有個好大使命，就係入建制內去改變建制，要摧毀建制派個小王國」。
揭穿隱形建制派
除了反「黑箱」，還要揭「隱形」。許智峯誓要揭破那些經常標榜無黨派、實際卻是「隱形建制派」的區議員，「畀市民知道裏面係咁黑暗，唔好畀佢哋包裝得咁靚，成日話自己專業獨立」。他今次行動成功揭發多達四名所謂「獨立」中西區區議員，支持建制派黑箱撥款，將公帑撥到他們友好或有職位的友好組織口袋中。
回看今次抗爭，縱有輿論與民意關注，但建制組織在建制派議員及區議會秘書處偏幫下，仍然將公帑袋袋平安，「斯文嘅激進派」第一擊未竟全功，但對許來說，已是盡了力，也算令市民看清建制派主導下的區議會醜陋一面，有街坊也因此對民主黨改觀。這條「斯文嘅激進派」路，許智峯是走定了，靠的就是華叔一句話：「我成日都記得華叔講擇善故執。我都係憑良心做事。」