大家仲記唔記得拉素有位個樣好成熟嘅青年軍呢？17歲嘅「妖星」美拿拉（左）今季加盟拉素，但因為個樣好似40歲咁，結果俾人笑到面黃。由於美拿拉喺青年軍交足表現，獲提升上一隊；喺周日拉素對森多利亞場意甲，呢位喀麥隆球員終於首次亮相意甲，喺比賽尾段入替。雖然佢冇入波，但拉素都贏2:0。我求大俠覺得只要美拿拉越踢越好，球迷就唔會再踩佢啦。