香港電視網絡（HKTV）暫時開台無期，旗下許多藝人不獲續約，但宅男女神黃美棋沒受影響，反而非常忙碌，剛完成電影《錯過》拍攝工作，日前又現身銅鑼灣向殿堂級女神Hello Kitty朝聖，眾所周知吉蒂貓是沒有口的，但美棋BB竟然大讚卡通片中有口的Kitty才最得意。身為粉絲的她，更會到不同地方搜集當地的限定Kitty，美棋BB謂：「我平日都會帶佢嘅嘢出街，屋企仲有佢嘅多士爐同家具㖭呀！」
最愛草莓超人
美棋BB與Hello Kitty的共通點是，大家都是童星開始便廣為人知，而且同樣入屋。今年是吉蒂貓的40周年，美棋BB坦言希望像她般長青，而且同樣保持多年人氣，她說：「每個年代都有icon，如果可以好似佢咁，喺唔同年代都受歡迎，梗係好好啦。」現場有多個Kitty造型，美棋BB最愛草莓超人look，她說：「我初初唔知道佢係超人，見到頭頂兩粒草莓先知，我都好想好似Kitty咁多形象，試多啲唔同嘅嘢，突破自己。」此外，談到未來動向，美棋說：「繼續拍港視電視劇《大眾情聖》到6月底，之後都未有打算，等緊公司決定，不過對公司都好有信心。電影都有傾緊，下月會同關楚耀開《含忍．死人．的士佬》。」
採訪：盧妹
攝影：陳俊強
場地：皇室堡
