近日最具話題電影，非《那夜凌晨，我坐上了旺角開往大埔的紅van》莫屬，電影打正本土意識旗幟，擊中港人情緒。導演陳果日前率領三位主角黃又南、徐天佑和Janice Man亮相《亂噏24》，講解一下電影探討的末世情緒。陳果以全世界最長中文片名來介紹這部電影，連標點共18個字，連導演都幾乎將戲名讀錯！電影根據網民Mr Pizza撰寫的同名高登小說改編，陳果講述拍攝這部戲的由來：「有人介紹呢本書畀我睇，其實佢冇叫我做導演，叫我幫手睇睇拍唔拍得過，我睇完之後覺得幾商業喎，又有殺人又有追人。」肥佬黎插嘴：「有冇sex先？」陳果笑說：「都有㗎！但係好大鑊㗎，係強姦場面，強姦完仲要姦屍！」肥佬黎聽到很愕然，即取笑陳果是否喜歡拍變態電影，陳果來招順水推舟：「唔係！嗱，呢個喺蔡San（蔡瀾）嗰度學番嚟嘅，就算你唔變態，你都要拍啲嘢嚟令人注目。你諗吓o依家冇爭議性嘅電影，係好難畀觀眾關注嘅。」陳果認為不同導演會拍出不同風格，而他比較關心社會，便滲入這些元素在電影之中。肥佬黎問：「咁等唔等於賣座先？」陳果表示不太擔心曲高和寡，自問自己是主流電影出身，蔡瀾認同：「佢係紅褲仔中嘅紅褲仔！」
紅VAN速入蘋果，星期四晚記得收睇足本《亂噏24》！