過去一年傳媒界風雨飄搖，前線記者出足一斤力都未必攞得到八両，噚日係一年一度嘅人權新聞獎頒獎，八方先喺呢度恭喜所有得獎嘅行家。今年《蘋果》連同《壹週刊》拎咗11個獎，《蘋果》調查組韓耀庭、林偉聰、袁柏恩花咗多個月為新界東北土地查冊，憑〈四大發展商東北囤地分佈曝光〉報道，奪得中文新聞優異獎。美術組華哥、Andy等成員炮製出「狼英治下2013」大事回顧跨版漫畫，拎到中文卡通 、圖解優異獎。攝影部大豐收，羅君豪一幅「港視員工與十萬市民照亮黑夜」，同謝榮耀一幀「學民追擊梁振英」精采圖片，同時得到「突發新聞圖片大獎」。
第18屆人權新聞獎部份得獎名單
中文新聞優異獎：
〈四大發展商東北囤地分佈曝光〉——《蘋果日報》韓耀庭、林偉聰、袁柏恩
突發新聞圖片優異獎：
「淚雨交加」——《蘋果日報》 陳奕釗
「挺梁人士追打示威者」——《蘋果日報》羅君豪
「大專生撐碼頭工人」——《蘋果日報》陳奕釗
「男警箍女示威者」——《蘋果日報》何柏佳
「民怨爆發」——《蘋果日報》羅君豪
「雙非家長排學位」——《蘋果日報》羅君豪
資料來源：第18屆人權新聞獎