男星「草包」結婚後，仲要搞其他女人，結果有日俾人影到佢偷食，關仁聽佢老婆「小花」嘅閨蜜講，呢單嘢令到小花好嬲，仲一度話想離婚，因為佢覺得好冇面，但大家都勸佢，為咗小朋友着想，畀多次機會老公，連小花嘅契爺都幫忙勸佢忍吓，唔好益咗個小三，為顧全大局，小花只好吞咗呢啖氣， 不過呢排佢就唔肯畀老公同房瞓。
人緣差冇人幫
其實草包唔抵爭，佢真係滾到七彩，今次可以話係上得山多終遇虎。佢喺圈中人緣又麻麻，同記者關係差到不得了，所以今次發生呢件事，都冇乜人企出嚟幫佢講好話， 希望今次事件之後，佢可以受到教訓。
撰文：關仁